Tag-isa ka mga locally-stranded individuals ang nagdugang sa kumpirmado nga kaso sang coronavirus disease 2019 sa probinsya sang Negros Occidental kag ciudad sang Bacolod.
Magluwas kay Bacolod Patient No. 18 nga isa ka 32-anyos nga lalaki nga taga-Barangay Bata kag isa ka family driver sang isa ka opisyal sang probinsya nga una na ginkumpirmar nga positibo sa coronavirus kahapon, nagdugang pa gid sa numero sang COVID-19 cases sa Bacolod ang 35-anyos nga lalaki kag residente sang Barangay Alijis.
Ini ang ginakabig bilang Bacolod Patient No. 19 kag isa ka LSI nagikan sa Manila.
Nag-abot ini sa Bacolod sadtong nagligad nga Mayo 26 kag gindiretso sa quarantine facility.
Ang amo nga pasyente ang asymptomatic kag wala sang pre-existing condition.
Samtang, si Negros Occidental Patient No. 13 naman ang isa ka 28-anyos nga lalaki kag residente sang banwa sang La Castellana.
Isa man ini ka LSI nagikan sa Cebu kag nag-abot sa probinsya sadtong nagligad n ga Hunyo 4.
Yara ini karon sa quarantine facility sang probinsya.
Samtang, naka-recover naman sa balatian ang lima ka mga pasyente sang Bacolod City kag isa ka pasyente nagikan sa Bago City.
Ang nasambit nga mga recoveries ang lunsay repatriated OFWs.
