Nagdangat na sa 22 ang numero sang positibo nga kaso sang coronavirus disease sa ciudad sang Bacolod samtang nagdangat naman sa 19 ang positibo nga kaso sa probinsya sang Negros Occidental.
Kahapon santo case bulletin No. 79 sang Department of Health Region 6, lunsay repatriated OFWs sa Bacolod kag Negros ang mga nagpositibo sa coronavirus.
Nadugangan sang isa ka nagpositibo sa COVID-19 ang syudad sang Bacolod kag isa ini ka 35-anyos nga babayi.
Samtang duha naman narekord sa Negros Occidental nga isa ka 63-anyos nga babayi kag residende sang Pulupandan, Negros Occidental kag isa ka 50-anyos nga lalaki kag residente sang Kabankalan City, Negros Occidental.
Lunsay yara sa facility quarantine karon ang mga ini.
Sa pinakaulihi nga data, nagdangat na sa 140 ang positibo nga kaso sang COVID-19 sa Western Visayas, 29 ang active cases, 100 ang nakarecover samtang nagapabilin sa 11 ang nagtaliwan bangud sa balatian.
