-- ADVERTISEMENT --
Patay ang isa ka lalaki matapos makuryente sa Purok Fatima 2, Brgy. Sum-ag, ciudad sang Bacolod kahapon sang hapon.
Sa impormasyon nga nakuha sang Bombo Radyo, nasapwan na lang sang iya nga amay ang biktima nga si Nico Bryle Balcona, 27 anyos, nga yara sa ibabaw sang ila nga atop alas-4:30 kahapon sang hapon.
Suno sa amay, nakasab-it ang kamot ni Balcona sa wire sang CENECO kag wala na ini nagagiho.
Ginhingagaw pa ini dala sa isa ka balay-bululngan apang gindeklarar na nga dead on arrival.
