Nagpanugyan ang isa ka covid-19 survivor sa mga nagpositibo nga magpakabakod kag indi madulaan sang paglaom nga magaayo kag masami gid nga magpangamuyo bangud ang ginoo na ang nakahibalo sa mga ini.
Sa interview sang Bombo Radyo Bacolod kay Patient No.14 sang Hunyo 18 nagguwa ang resulta sang swab test sini kag gintawgan sini ang pinuno sang City Health Office (CHO) kag gin-impormar ang ini nga nagnegatibo na ang repeat test sini.
Nalipay man ini bangud nalampuwasan sini ang mga pagtilaw sang ini ang nagapaidalom sa isolation sa sulod sang 22 ka adlaw.
Ginpahayag sini nga ang pinakadako nga pagtilaw nga naagman sini ang mental bangud aminado ini nga mabudlay magpabilin sang sanity sa tunga sang pakigbato sa Covid-19.
Ginpahayag man sini nga asymptomatic ini sang nagpositibo sa nasambit nga balatian.
Dugang pa sini nagpaidalom ini sa test bangud nakaagi ini frontliner bangud nagbantay ini sa Mansilingan border.
Suno kay Patient #14 negatibo naman ang tanan nga naclose contact sini.
Ginpakigbahin man sini ang routine agud mag-ayo.
Ini ang nalakipan sang morning prayer,ang pagpractice sang su-ob ukon steam, pagkaon sang healthy nga pagkaon, inum sang vitamin c tatlo ka beses kada adlaw, kag pagexercise agud mas madasig ang recovery sini.
Dako man ang nabulig sang good hygiene sa madasig nga pagrecover.
