Nagpagwa sang Executive Order No. 44 si Bacolod City Mayor Evelio Leonardia nga nagapatuman sang protocol nga pagahimuon sa pag-asikaso sa mga locally stranded individuals (LSIs), Repatriated Overseas Filipino Workers (OFW) kag authorized person outside residence (APOR) sa sulod sang pagpatuman sang modified general community quarantine.
Ang section one ang nagalaum sang protection sa publiko pinaagi sa paglikaw nga makalatun sa iban kasubong man ang pagmonitor sang health sang mga maga-abot.
Sa section two naman nakabutang ang mandatory testing sa mga OFW kag LSI nga naghalin sa mga highly risk areas kaangay sang Manila kag Cebu.
Dapat sila nga magpasa sang RT-PCR test nga ginkuha sang lisensyado nga medical personnel kag ginasupervise sang Medical Doctors nga nagikan sa City Health Office.
Sa section three naman nakabutang ang quarantine regulations.
Tanan nga nag-abot ang dapat nga ma-endorse sa mga punong barangay ukon barangay health emergency bresponse team (BHERT) kag ipaidalum sa monitored home quarantine asta nga magnegatibo ang resulta.
Kun luyag naman nga magpaidalum sa pasilidad nga gindesignar sang siyudad ang isa ka LSI, ang punong barangay ukon ang BHERTS amo ang responsable sa pag-endorso sa mga ini sa City Health Office.
