Nagpanugyan ang alkade sang Bacolod City nga indi dapat magkompiyansa ang mga pumuluyo kadungan sang paghalog sang quarantine procedures bangud wala pa natapos ang coronavirus.
Sa video press release ni Bacolod City Mayor Evelio “Bing” Leonardia, ginapahayag sini nga tubtob nga wala pa sang vaccine para sa balatian nagakadapat lang nga magdoble sang paghalong.
Suno kay Leonardia, dapat panumdumon sang tanan nga madamo pa ang magasulod sa ciudad nga mga Locally Stranded Individuals (LSIs) kag mga repatriated Overseas Filipino Workers (OFW) kag dugangan pa sang magabalik na ang mga commercial flights.
Ginalantaw na sini nga indi na makontrolar ang mga nagasulod nga mga tawo sa ciudad gani kinahanglan nga ang tagsa tagsa ang may obligasyon sa pagprotekta kag paghalong sa kaugalingon.
Ginpahayag man sini nga dapat ululupod ang tanan sa pagtapna sang paglapta sang virus.
