Nagpasalig ang medical center chief sang Corazon Locsin Montelibano Memorial Regional Hospital nga wala sang dapat kahangaw-an ang mga pumuluyo bangud nakaquarantine na ang doktor nga nagtabok sa Iloilo kag nakasalamuha ang isa ka doctor sang Saint Paul’s Hospital nga nagpositibo sa COVID-19.
Sa interview sang Bombo Radyo kay Dr. Julius Drilon, ginpahayag sini nga nakaquarantine sa karun ang doktor nga nagtabok sa Iloilo, apat ka mga nakacontact sini kag isa ka nurse sa ila tagsa-tagsa ka mga apartments.
Suno kay Drilon, ginkuhaan sang swab tests ang mga ini kahapon kag ginpadala sa laboratory sa Iloilo.
Suno diri, asymptomatic kag healthy man ang kahimtangan sang mga ini.
Gin-athag man sini nga wala siya sang kontrol kun diin magkadto ang iya mga staff kag apang wala ini nagakulang sa pagpahanumdum sa ila nga kinahanglan mag-obserbar sang insakto nga mga practices.
