Ginpasalamatan ni Bacolod City Lone District Congressman Greg Gasataya si Senator Juan Miguel Zubiri sa pagduso sang Senate Bill 1647 nga counterpart bill sang House Bill 6731 nga nagahandom sa pagpatukod sang Bacolod City General Hospital sa ciudad sang Bacolod.
Sa interview sang Bombo Radyo kay Gasataya, nagapasalamat ini kay Senator Zubiri sa pagduso sang hagna matapos maaprubahan sa third and final reading ang House Bill 6731 tatlo ka semana na ang nakaligad.
Suno sa iya, nagcoordinate ini sa opisina ni Zubiri kag nagpadala siya sang kopya sang appeal sa House of Representatives kun sa diin ginpahayag sang senador nga magafile ini sang counterpart appeal sa Senado.
Gindugang man sini nga nagcommit si Zubiri nga magabulig ini sa pagmaterialize sang handom sang ciudad nga makatukod sang general hospital.
Suno diri, irefer pa ang duha ka hagna sa Committee of Health kag magapatawag sang committee hearing ila man pagatambungan agud masabat ang mga palamangkutanon kag klaripikasyon.
Kun maaprubahan ang mga ini sa hearing, irefer naman ini sa senado.
Suno sa kongresista, wala pa sang ini sang may mahatag nga time frame bangud indi man nila kontrolado ang desisyon apang nagapati ini nga kinahanglanon gid sang ciudad ang general hospital kag suno sa iya, indi lang ang Bacolod ang makabenepisyo sini kundi pati man ang probinsya sang Negros Occidental.
