Ginkompirmar sang pinuno sang Land Transportation Office Bacolod nga hatagan sang 60 days extension ang mga motor vehicle nga nagatapos ang plate number sa 3, 4, 5 samtang 30 days naman sa nagatapos sa 6 agud makaparehistro sa opisina.
Sa interview sang Bombo Radyo kay Reuben Tampos, ginpahayag sini nga hatagan ang mga ini sang tubtob Hulyo 20 nga makaparehistro sa opisina nga wala sang penalidad.
Suno kay Tampos, valid pa man ang mga smoke emission test nga naparehistro sang napaidalum pa ang ciudad sa enhanced community quarantine (ECQ) kag sarang pa nga magamit sang LTO.
Suno sa pinuno, nangin isa ka problema sang opisina ang natingob nga volume sang mga salakyan bangud wala sila makaprint sang forms.
Nagahingyo kag ginaduso sini nga kuntani hatagan sang prayoridad ang mga motor vehicles nga nagatapos sa 3, 4, 5 kag 6 ang plate numbers kada Sabado agud maserbisyuhan ang mga ini sang maayo kag mabuhinan ang backlogs.
