Indi madula ang yuhom sang mga tagdaog sa Obra Maestra Challenge sang Buena Mano Salvo Year 15 Promo kadungan sang pagkuha sang premyo, Lunes sang aga.
Dako ang pasalamat ni Lorna Pacto, residente sang Purok Para 1, Brgy. Taloc, Bago City matapos mapilian nga tagda-og sang P3000 cash bilang major prize.
Ginpahayag sini nga ibakal niya sang dugang proof of purchase kag mga pagkaon sa balay sini ang nadag-an nga kwarta.
Si Pacto ang naghimo sang kurtina.
Nagpasalamat man si Lyka Rose Gabuya, residente sang Alunan Baybay, Brgy. 35, Bacolod City nga dako ang mabulig sang nadag-an sini P1,500 cash bilang consolation prize bangud sa paghimo sang flower vase.
Samtang wala man ang nauyang ang tiempo ni Mariano Seballos sang Puensittia, Brgy.33, Bacolod City sa pag-obra sang obra-maestra nga Flower Vase bangud napilian ini nga tagdaog sang consolation prize nga P1,500 cash.
Gilayon naman nga nagpadulong sa estasyon sang Bombo Radyo si Jimmy Avelino sang Palmas del Mar, Barangay Singcang Airport matapos malawagan bilang daily winner.
Tuman ang pasalamat sini sa 1000 pesos nga cash nga iya nadag-an kag 1000 peos nga balor sang grocery goods bangud dako ini nga bulig sa ila kinahanglanon sa sulod sang balay.
