17 ka dugang nga mga kaso sang coronavirus disease 2019 (COVID-19) ang narekord sa probinsya sang Negros Occidental kahapon samtang wala naman sang nagdugang sa ciudad sang Bacolod.
Sa COVID-19 Case Bulletin No. 104 nga ginpagwa sang Department of Health, sa nasambit nga numero, 12 diri ang mga repatriated overseas Filipino workers (OFW), tatlo ang locally stranded individuals samtang duha naman ang mga frontliners.
Ang mga nagpositibo nga kaso ang ginalakipan sang isa ka 26 anyos nga babaye nga residente sang banwa sang La Castellana; 33 anyos nga babaye nagikan sa Calatrava; 37 anyos nga lalaki nagikan sa Bago City; 32 anyos nga babaye nagikan sa San Enrique; 32 anyos nga lalaki nga residente sang Calatrava; 32 anyos nga babaye nagikan sa Talisay City; 52 anyos nga babaye nga residente sang banwa sang Hinoba-an; 58 anyos nga lalaki nagikan sa ciudad sang Sagay; 44 anyos nga lalaki nga residente man sang Sagay City; 45 anyos nga lalaki nagikan sa Silay City; 69 anyos nga babaye nagikan sa Himamaylan; 37 anyos nga lalaki nga taga Binalbagan; 42 anyos nga babaye nagikan sa Silay City; 34 anyos nga lalaki nagikan sa ciudad sang Talisay; 22 anyos nga lalaki nga residente sang Sagay City; 48 anyos nga babaye nagikan sa Sipalay City; kag 25 anyos nga babaye nga residente sang banwa sang Pulupandan.
Nakafacility quarantine sa karun ang 16 ka mga pasyente samtang ang 34 anyos nga lalaki nga taga ciudad sang Talisay ang naka-admit sa isa ka ospital.
Sa karon, nagdangat na sa 135 ang COVID-19 cases sa probinsya sang Negros Occidental samtang nagapabilin naman sa 52 ang siyudad sang Bacolod.
