Gin-aprubahan na sang Department of Education ang request sang Sangguniang Panlungsod sang Bacolod nga palawigon ang paggamit sang walo ka mga eskwelahan sa ciudad bilang quarantine centers halin sa Hunyo 30 tubtub Hulyo 31.
Sa interview sang Bombo Radyo Bacolod kay Councilor Renecito Novero, pinuno sang Quarantine Centers Action Team, ginpahayag sini nga apisar nga wala pa nabaton sang Sangguniang Panlungsod ang dokyumento nga nagapasugot sa paggamit sang dugang nga apat ka mga eskwelahan bilang quarantine centers, ini ang naaprubahan na ‘in principle’ bangud may yara na sang ginkasugtan sa tunga ni Bacolod Mayor Evelio Leonardia kag sang DepEd.
Suno kay Novero, ang apat ka dugang nga public schools ang gintumod sang City Engineer’s Office kag nagakaigo na sa palaabuton nga mga nagapauli nga locally stranded individuals (LSIs).
Ang mga eskwelahan ang ginalakipan sang Sum-ag National High School; Luisa Medel National High School; Mansilingan Agro Industrial High School; kag Luis Hervias National High School.
May nakapain naman nga eskwelahan para sa positibo sa Covid-19.
Ginpahayag man sini nga ang mga nagnegatibo sa test ang magapauli na sa ila balay.
Ginapangamuyo na lamang sini nga indi maoverwhelm ang syudad sang LSI agud indi magginutok ang quarantine facilities.
