Dugang nga 14 ka kompirmado nga mga kaso sang coronavirus disease ang narekord sa probinsya sang Negros Occidental kahapon nga adlaw samtang lima ka adlaw na nga wala sang dugang nga kaso sa ciudad sang Bacolod.
Sa COVID-19 Case Bulletin No. 105 nga ginpagwa sang Department of Health, lunsay mga locally stranded individuals ang mga Negrense nga nagpositibo.
Ini ang ginalakipan sang isa ka 31 anyos nga lalaki, 33 anyos nga lalaki kag lunsay mga residente sang Bago City; 23 anyos nga lalaki, 25 anyos nga lalaki kag 21 anyos nga lalaki nga mga residente sang banwa sang Binalbagan; isa ka 36 anyos nga babaye nagikan sa Hinobaan; 21 anyos nga lalaki kag 25 anyos nga lalaki, lunsay mga taga banwa sang Himamaylan; isa ka 24 anyos nga lalaki nagikan sa Victorias City; 35 anyos nga lalaki kag 20 anyos nga lalaki lunsay mga taga ciudad sang Escalante; 32 anyos nga lalaki kag 21 anyos nga lalaki nga taga Himamaylan; kag 21 anyos nga lalaki nga residente sang banwa sang Toboso.
Lunsay nakaquarantine sa government facility ang mga pasyente.
Sa karon, nagdangat na sa 14 ang COVID-19 cases sa probinsya sang Negros Occidental samtang nagapabilin naman sa 52 ang siyudad sang Bacolod.
