Ginpaathag sang pinuno sang Provincial Disaster Risk Reduction and Management Office (PDRRMO) sang Negros Occidental nga per team na ang mga responders.
Sa interview sang Bombo Radyo Bacolod kay Dr. Zeaphard Gerhart Caelian, ginpahayag sini nga agud indi na sila mabihangan sang tawo, per team na ang mga responders nga gin-assign sa airport kag seaports agud kun magpaswab kag may iquarantine, per team nalang kag indi na sila madulaan sang tawo.
Nagapadayon man ang augmentation sang Phillippine Coast Guard, Philippine Army, Police kag iban pa nga ahensya sang gobyerno.
Indi naman nila luyag nga matabo liwat ang natabo sang tinalikdan nga semana nga nagpaidalom sila tanan sa quarantine matapos nga nagpositibo ang driver sang PDRRMO nga residente sang Purok New Site, Brgy. Minoyan, Murcia, Negros Occidental kun sa diin tanan sila ang nagpaidalom sa isolation sa Mambukal Reosrt.
Ginpahayag man sini nga nagapangita man sila sang dugang nga responders sa probinsya.
Aminado man si Caelian nga indi mahapos makakita sa karon bangud natahap man ang mga tawo nga mag-apply bilang responder.
