Nagapanguna ang banwa sang Calatrava sa may pinakamadamo nga kaso sang coronavirus disease sa bilog nga probinsya sang Negros Occidental.
Sa data nga ginpagwa sang Provincial Health Office, 22 ka mga residente sang Calatrava ang natapikan sang coronavirus.
Ini ang ginasundan sang ciudad sang Sagay nga may yara sang 19 ka mga kaso samtang ang ciudad sang Escalante kag Himamaylan ang may tag-17 ka mga kaso.
Nagasunod naman diri ang ciudad sang Bago kag San Carlos nga may yara sang tag-16 ka COVID cases.
Sa 31 ka mga LGUs, ang banwa sang Candoni, Ilog kag Salvador Benedicto ang may pinakadiutay nga kaso nga tag-isa lamang.
Nahibaluan nga nagdangat na sa 268 ang kaso sang COVID sa bilog nga probinsya, santo sa rekord sang PHO kag ini ang ginalakipan sang 192 ka locally stranded individuals kag 39 ka repatriated OFWs.
Nagadangat naman sa 10 ka mga frontliners ang natapikan sang virus kag 20 diri ang ginakabig nga indigenous cases.
