Nagdangat sa 17.5 million pesos ang balayran sang Overseas Workers Welfare Administration OWWA sa 21 ka mga hotel sa Bacolod nga ginatiniran sang repatriated Overseas Filipino Workers (OFWs) bilang quarantine facility.
Nagalaom si Novero nga indi mag-untat ang mga hotel owners sa pagbaton sa mga nagaabot nga OFWs bangud pagabayaran man sila sang gobyerno.
Suno kay Novero, natawgan man ni Mayor Evelio Leonardia si OWWA Administrator Hans Leo Cacdac kag nagalaum nga ang isa ka semana nga moratorium ang magaresulta sa pagsettle sang ila balayran sa mga hotel.
Wala man sang problema ang eskwelahan nga quarantine centers apang nagalaom ini nga magapadayon ang kaalwan sang Department of Education sa pagpahulam sang eskwelahan bilang quarantine centers.
Gin-athag man ni Novero nga aprubado na sang OWWA ang ginhingyo sang Bacolod City government nga isa ka semana nga moratorium sa pagpauli sang mga OFWs apang luyag lamang sang ahensya nga mag-agi sa sulat ang komunikasyon sa request gani gilayon man sila nga nagdihon sini kahapon.
Base sa una nga pahayag sang konsehal, magasugod na kuntani kahapon ang isa ka semana nga moratorium.
