Ginhatagan sang puder sang Sangguniang Panlungsod sang Bacolod ang alkalde sang ciudad nga magtumod sang mga measures nga ipatuman kalakip na ang oras sang curfew kadungan sang pagpasar sa second kag third reading sang Amendment of City Ordinance 927 Series of 2020 ukon ang ordinansa nga nagarequire sang mandatory observance sang non-social period sa Bacolod sa tunga sang emerhensya nga tuga sang coronavirus disease.
Sa pahayag ni Committee on Laws and Ordinances Chairman Councilor Archie Baribar sa deliberasyon sang SP kahapon, matapos ang tatlo ka bulan nga alas 10:00 sang gab-i tubtob alas 4:00 sang kaagahon ang ginapatuman nga curfew sa ciudad, ila ini gin-amend bangud sa nagalain-lain nga quarantine status sang Bacolod City.
Suno kay Baribar, santo sa guidelines sang national inter-agency task force against COVID-19, kun yara sa GCQ ang ciudad, 10:00pm tubtob 4:00am ang curfew; kun yara sa MGCQ, 11:00pm tubtob 4:00am; samtang 12:00 midnight naman kun new normal.
Gani suno sa iya, dapat yara na sa alas 11:00 sang gab-i tubtob alas 4:00 sang aga ang curfew sa Bacolod bangud napaidalom ang ciudad sang MGCQ.
Apang ila ginarecognize ang otoridad sang local chief executive ukon alkalde nga maka-access sang mga impormasyon nga indi available sa SP ukon sa publiko.
Gani, ila ginahatagan sang prerogative si Mayor Evelio “Bing” Leonardia nga mag-issue sang mas stringent nga curfew hours.
Samtang kun wala naman sang tikang nga pagahimuon si Leonardia suno kay Baribar, ipatuman ang alas 11:00 sang gab-i tubtob alas 4:00 sang aga non-social hours.
