38 ka dugang nga mga kaso sang coronavirus ang narekord sa Negros Occidental samtang apat naman sa ciudad sang Bacolod kahapon.
Sa COVID-19 Case Bulletin No. 132 nga ginpagwa sang Department of Health kahapon, 93 ka dugang nga mga kaso ang narekord sa Western Visayas.
Sa kabug-usan nga mga kaso sa Negros Occidental, 30 diri ang mga locally stranded individual samtang walo naman ang local cases.
Lunsay mga locally stranded individuals naman ang apat nga taga Bacolod City.
20 naman ka mga recoveries ang nadugang sa probinsya nga ginalakipan sang 18 ka mga LSIs, isa ka OFW nagikan sa banwa sang Manapla kag isa ka local case nagikan sa banwa sang Calatrava.
Sa pinakalatest nga data, nagdangat na sa 336 ang kumpirmado nga kaso sang COVID-19 sa Bacolod samtang 592 naman sa probinsya sang Negros Occidental.
