Apat ka empleyado sang DPWH 4th Engineering District, natapikan sang coronavirus

Apat ka mga empleyado sang Department of Public Works and Highways 4th Engineering District ang nagpositibo sa coronavirus disease.

Suno kay DPWH Region 6 director Lea Delfinado, gilayon nga ginpaidalom sa swab test ang 85 ka mga empleyado sang opisina kasunod sang resulta sang COVID test kag sa karon, ginahulat pa ang resulta.

Suno kay Delfinado, nagpatigayon sang contact tracing sa talatapan bangud may isa ka empleyado nga nakapalapit sa isa ka authorized person outside residence nga nagbisita sa Land Transportation Office Bacolod sang Hulyo 17 nga nagpositibo sa COVID test.

Ang apat ka DPWH employees ang gindala na sa quarantine facility kaupod ang ila pamilya.