Nakasuhan na ang manak nga nagpatay kag naglubong sang iya stepmother sa higad sang suba sa Cadiz City, Negros Occidental sang Agusto 1.
Madumduman nga nasapwan ang bangkay sang 62-anyos nga madrasta nga nakalubong sa kilid sang suba matapos nga ginpatay sang iya 46-anyos nga manak nga lalaki sa Sitio Paniquion, Barangay Jerusalem, Cadiz City.
Suno kay Police Major Robert Mansueto, hepe sang Cadiz City Police Station, mismo ang suspetsado nga si Angelito Sibuyan ang boluntaryo nga nag-ako sa krimen nga iya nahimo.
Suno kay Mansueto, ini man mismo ang nagtudlo kag nagbulig retrieve sa bangkay sang biktima nga si Andiolina Sibuyan.
Nagagwa sa inisyal nga imbestigasyon sang kapulisan nga natabo ang insidente sadto pang Agosto 1, alas-7:00 sang gab-i.
Ginapahayag nga na-impito ang suspetsado bangud nga naling-an ini sa baba sang biktima.
Didto na kag nakuga ni Angelito si Andiolina tubtob nga iya ini mapatay.
Dugang pa sang hepe nga gilayon nga nagkutkot sa kilid sang suba nga malapit lamang sa ila puluy-an ang suspetsado kag ginlubong ang biktima.
