12 ang nagdugang sa kaso sang COVID-19 sa ciudad sang Bacolod samtang 12 man ang nagdugang sa probinsya sang Negros Occidental kahapon.
Nagdugang sa nagpositibo sa ciudad sang Bacolod ang 50 anyos nga lalaki kag 50 anyos nga babayi nga parehas naka-admit sa ospital, 23 anyos kag 47 anyos nga mga babayi nga nakahome quarantine, 35 anyos nga babayi kag 46 anyos nga lalaki nga nakafacility quarantine nga lunsay mga local cases.
Samtang apat naman ang returning overseas Filipino workers (OFWs) nga ginalakipan sang 41 anyos, 24 anyos kag 47 anyos nga mga lalaki nga yara sa quarantine facility kag ang 24 anyos nga lalaki nga yara naman sa home quarantine.
Duwa naman ang nagpositibo nga locally stranded individual (LSI) sa Bacolod City nga ginalakipan sang duwa ka 20 anyos nga mga babayi kag yara sa karun sa quarantine facility.
Samtang nagpositibo naman sa probinsya sang Negros Occidental ang 42 anyos nga babayi nga residente sang banwa sang Pulupandan, 29 anyos kag 30 anyos nga mga babayi samtang 33 anyos nga lalaki nga mga residente sang banwa sang Toboso, 35 anyos kag 24 anyos nga mga babayi nga residente sa Bago City kag lunsay yara nakapaidalum sa facility quarantine kag ang 35 anyos nga babayi nga residente sa banwa sang Hinigaran nga naka-admit sa karun sa ospital.
Samtang tatlo naman ang LSI nga nagpositibo nga ginalakipan sang 37 anyos nga babayi nga residente sa Sagay City, 54 anyos nga lalaki nga residente sa Cadiz City kag 55 anyos nga babayi nga residente sa banwa sang Pulupandan.
Duwa naman ang nagpositibo nga returning OFW nga ginalakipan sang 45 anyos nga babayi nga residente sa Sagay City kag 43 anyos nga lalaki nga residente sa Kabankalan City nga lunsay nakahunong man sa sulod sang quarantine facility.
Sa karun, ang Western Visayas ang nakarecord na sang kabug-usan nga 1,839 ka mga kaso sang COVID-19.
896 naman ang mga active cases sa rehiyon sa pagdugang sang 46 samtang 917 naman ang nakarecover nga may 65 nga bag-o nga nagdugang.
Nagdangat naman sa 26 ang nagtaliwan sa pagdugang sang duwa nga ginalakipan sang 70 anyos nga babayi nga residente sa Barotac Nuevo, Iloilo kag pito ka tuig nga bata nga babayi nga residente sa Dumangas, Iloilo.
Sa karun ang probinsya sang Negros Occidental ang may kabug-usan na nga kaso nga 604 samtang nagdangat naman sa 346 ang kabug-usan nga kaso sang COVID-19 sa Bacolod City.
