Pila ka mga opisina sang Bacolod City Government ang ginpaidalum sa lockdown sa sulod sang isa ka semana para sa disinfection kag decontamination.
Ang Room 1 sa City Health Office ang temporaryo nga pagasiraduhan humalin subong nga adlaw, Agosto 17 tubtob Agosto 23.
Nahibaluan nga ang Room 1 ang para sa out-patient department kag non-infectious consultation lakip na ang animal bites kag immunization.
Sa mga luyag magpakonsulta, gina-abisuhan ang tanan nga magpadulong sa Bacolod Respiratory Outpatient (BRO) Center nga nahamtanga sa BAYS Center.
Sirado man sumugod subong nga adlaw tubtob sa Agosto 24 ang Human Resource Management Services Office (HRMSO) nga nahamtang sa NGC.
Sa may yara sang concerns sa HR, sarang nga makapadulong sa Bids and Awards Committee nga opisina sa 3rd floor sang NGC.
Samtang, nakalockdown man humalin subong nga Agosto 17 tubtob 23 ang Public Affairs and Assistance Division (PAAD) nga opisina sa government center.
Magluwas sa sa HRMSO kag PAAD office, bukas na liwat ang iban nga mga opisina sa NGC.
