Nadugangan kahapon sang 18 ang kaso sang COVID-19 sa ciudad sang Bacolod samtang 17 naman ang nagdugang sa probinsya sang Negros Occidental.
Santo sa Department of Health Region 6 COVID-19 case bulletin no. 143, nakarecord ang Western Visayas sang 103 ka dugang nga mga kaso nga ginalakipan sang 34 sa Iloilo City, tig-18 sa Iloilo Province kag Bacolod City, 17 sa Negros Occidental, walo sa Guimaras, apat sa Capiz samtang isa naman sa Antique.
Sa 103 ka panibag-o nga kaso, 101 diri ang local cases samtang ang nabilin nga duha ang lunsay mga returning overseas Filiinos.
Sa karun, may ara na sang kabug-usan nga 2,895 nga kaso ang narecord sa Western Visayas nga may 1,602 ka mga aktibo nga kaso, 1,255 naman ang mga nakarecover sa pagdugang sang 17 nga bag-o samtang nagapabilin naman sa 38 ang numero sang nagtaliwan.
Yara naman sa 87.70% ang asymptomatic sa kabug-usan nga kaso sang rehiyon.
Sa karon, may yara na sang 531 ka mga kaso ang ciudad sang Bacolod samtang 817 naman sa probinsya sang Negros Occidental.
