Nadugangan kahapon sang 21 ang kaso sang COVID-19 sa ciudad sang Bacolod samtang 15 naman ang nagdugang sa probinsya sang Negros Occidental.
Santo sa Department of Health Region 6 COVID-19 case bulletin no. 144, nakarecord ang Western Visayas sang 86 ka dugang nga mga kaso nga ginalakipan sang 22 sa Iloilo City, 21 sa Bacolod City, tig-15 sa Iloilo Province kag Negros Occidental, 12 sa Guimaras samtang isa naman sa Antique.
Sa 86 ka panibag-o nga kaso, 81 diri ang local cases, apat ang locally stranded individual (LSI) samtang ang isa naman ang returning overseas Filiinos (ROF).
Sa karun, may ara na sang kabug-usan nga 2,981 nga kaso ang narecord sa Western Visayas nga may 1,666 ka mga aktibo nga kaso, 1,273 naman ang mga nakarecover sa pagdugang sang 18 nga bag-o samtang nagdangat naman sa 42 ang numero sang nagtaliwan sa pagdugang sang apat nga napatay.
Yara naman sa 86.79% ang asymptomatic sa kabug-usan nga kaso sang rehiyon.
Sa karon, may yara na sang 552 ka mga kaso ang ciudad sang Bacolod samtang 832 naman sa probinsya sang Negros Occidental.
