Napasakaan na sang kaso nga sexual assault in relation to RA 7610 ukon “Special Protection of Children Against Abuse, Exploitation and Discrimination Act” ang 23-anyos nga tiyo nga naghimulos sa 6-anyos nga hinablos sini nga babayi sa Sitio Hayahay, Barangay San Jose, Sipalay City.
Sa interview sang Bombo Radyo Bacolod kay P/Lt. Col. Necerato Sabando, hepe sang Sipalay City Police Station, alas-2:00 sang hapon sadtong Agosto 13 natabo ang insidente samtang nagapanamog sang baboy ang iloy sang biktima.
Santo sa imbestigasyon sang kapulisan, nagabantay sang iya isa ka tuig nga manghod sa kwarto ang biktima sang gindala ini sang iya tiyo nga si Ferdinand Villanueva, 23-anyos kag residente sang Sitio Cansadmon sa amo nga barangay, sa pihak nga kwarto.
Gin-lock sang suspetsado ang pwertahan sang amo nga hulot kag ginpahigda ini sa salog, gin-ubahan sang panapton kag didto na ginhimuslan.
Nagagwa man sa medical records sang bata nga may yara ini sang laceration sa iya pribado nga parte sang lawas.
Samtang, gilayon naman nga nadakpan ang suspetsado kag nakahunong na karon sa Sipalay City Police Station.
