Ginalantaw sang pinuno sang Inter-Agency Task Force Against COVID-19 sa syudad sang Bacolod nga tuman kadasig ang paglaton sang COVID-19 sa syudad.
Sa interview sang Bombo Radyo Bacolod, personal nga ginalantaw ni Vice Mayor El Cid Familiaran nga sarang nga magdangat sa isa ka libo ang kaso sang COVID-19 sa syudad sang Bacolod sa katapusan sang bulan sang Agosto.
Apang sa paglantaw naman sang statistician sang regional hospital, sarang ini nga magdangat sa 1,300 sa katapusan sang sini nga bulan.
Suno sa bise alkalde, indi gid maayo ang health system sang syudad bangud may mga doctors kag nurses na nga natapikan sang virus, kalakip naman ang mga barangay officials.
Kalakip man sa apektado sang virus ang pila ka mga katapo sang City Health Office.
Ginpasalamatan na lamang sini nga ang katapo sang City Disaster Risk Reduction Management Office (CDRRMO) ang wala natapikan sang virus.
Suno kay Familiaran, apektado na ang paghatag sang serbisyo sang mga hospital bangud sa virus.
