Nagpositibo sa COVID-19 ang duha ka mga ginaalegar drug personalities nga gindakop sang Philippine Drug Enforcement Agency (PDEA)-Negros Occidental sa buybust operation sa Brgy. Banago, Bacolod City, pila na ka semana ang nakaligad kag priso sa karon sa Bacolod Police Station 3.
Suno kay Police Captain Richard Fajarito, station commander sang Bacolod City Police Station 3, ginpahayag sini nga Agosto 12 gindakop ang mga suspetsado kag nakuhaan sang iligal nga druga.
Ginpaidalom man ang mga ini sa swab test kag kagab-i naggwa ang resulta nga positibo sila sa virus.
Gilayon sila nga gindala sa quarantine facility sang ciudad sa Barangay Mansilingan.
Ginahulat pa sa karun sang Bacolod Police Station 3 ang abiso nagikan sa City Health Office kun ano ang himuon nila matapos nga nagpositibo ang duha ka mga detainees.
