Kotse, hinali lang nga nasunog sa dalanon sang Mansilingan; driver luwas

Gintupok sang kalayo ang isa ka puti nga Kia Rio nga salakyan sa Barangay Mansilingan ciudad sang Bacolod kagab-i.

Sa impormasyon nga nakuha sang Bombo Radyo, ang nasambit nga salakyan ang ginapanag-iyahan ni Nonito Sano sang Purok Katilingban, Barangay Mansilingan, Bacolod City.

Nagabyahe si Sano sang gilayon lang nga napatay ang headlight sang salakyan rason kun ngaa ginpapahigad niya ini kag nagpundo.

Nanaog ini agud tsekyaron kuntani kun diin ang deperensya sang hinali lang nga nagdaba-daba ang salakyan.

Gilayon naman sini nga ginpangsalbar ang iya mga kagamitan sa sulod.

Wala naman nasamaran si Sano.

Nahibaluan nga 2013 pa nga model ang nasambit nga salakyan.