Masobra P27,000 nga balor sang illegal nga druga ang nakumpiskar sang Talisay City Police Station sa buybust operations nga ginpatigayon sang Brgy. Bubog, ciudad sang Talisay kahapon.
Sa interview sang Bombo Radyo kay Police Major Jigger Gimeno, ginpahayag sini nga madugay na nila nga ginasurveilance ang suspetsado nga si Joselito Baleros, single, high value individual kag residente sang nasambit nga lugar.
Suno kay Gimeno, nakuha sa iya paghinakop ang 15 ka heat sealed transparent plastic sachet sang suspected shabu nga nagabug-at apat ka gramo kag may estimated market value nga P27,200; P500 nga mark money; kag P1,100 nga cash proceeds.
Suno sa hepe, ginaimbestigahan pa sang kapulisan kun diin ini nagakuha sang supply sang illegal nga druga.
Sa karun, nakahunong si Baleros sa Talisay City Police Station kag nakatalana nga pasakaan sang kaso nga pagbayolar sa R.A. 9165 ukon Comprehensive Dangerous Drugs Act of 2002.
