Nagdangat sa 4,384 ang mga nagpakigbahin sa ginpatigayon nga mass testing sa idalum sang “O-Plan: One-Time Bigtime” program sang Agosto 27 tubtob Agosto 29, 2020.
Sa kumpirmasyon ni Bacolod City Vice Mayor El Cid Familiaran, wala naman ang mga ini sang nangin kabudlayan sa pagpatuman sang aktibidad apang may pila lang ka mga nagluntad nga lapses.
Pahayag sang bise alkalde nga may nagluntad nga delay sa iban nga venues sang swab testing kun sa diin ang dapat nga schedule ang nakatalana takna alas-12:00 sang udto tubtob alas-2:00 sang hapon, apang bangod sa kakapoy sang mga manugswab naka-abot ang mga ini kag nakasugod takna alas-3:00 sang hapon kun sa diin madamo na ang nagpauli.
Naintindihan naman sang bise alkalde ang lapses bangod gina ekspektar na sini ang posibilidad nga indi maperpekto ang pagpatuman sang programa kag makabig ini nga lesson nga dapat matun-an.
Samtang gintawagan naman ang organisasyon sang mga call center agents kasubong man nga nag-email sa mga BPO companies para sa boluntaryo nga pagpakigbahin sa mass testing bangod nakita nga high risk ang mag ini kag madamo na ang nalatnan sang balatian.
Madamo naman ang nag avail sa programa, kag ginswab man ang mga agents apisar nga indi ang iban residente sa ciudad apang diri nagatrabaho.
Aminado naman si Familiaran nga madamo pa nga yara sa patag sang BPO ang wala nakigbahin.
Nagalaum naman ang bise alkalde sa promisa nga duwa ka adlaw lang kag sarang na nga mapagwa ang resulta sang test.
Samtang nakabatun naman ini sang reklamo nagikan sa pila ka mga repatriated overseas Filipino workers (OFWs) nga nag-abot sa ciudad sadtong Agosto 23 pa, apang tubtob sa karun wala pa gihapon nakuhaan sang RT-PCR test.
Panindugan ni Familiaran nga salabtun na ini sang Overseas Worker Welfare Administration (OWWA) bangod ang natalana lang nga igaprovide sang LGU sa mga OFW kag returning overseas Filipinos (ROFs) amo ang mga nurse kag kapulisan nga magabantay sa pasilidad.
Samtang ginpull-out naman sang ciudad ang mga nagabantay nga nurses kag kapulisan sa mga hotel nga ginatiniran sang mga OFW kag ROF bangod indi naman pwede.
Samtang ginkumpirmar man sang bise alkalde nga may nagakaigo nga mga quarantine facility para sa mga matukiban nga positibo sa ginpatigayon nga mass testing.
