Dugangan sang 40 beds ang Cadiz City District Hospital nga ginhimo nga COVID Hospital sa probinsya sang Negros Occidental.
Sa interview sang Bombo Radyo Bacolod kay Negros Occidental Provincial Administrator Atty. Rayfrando Diaz, gindugangan ang bed capacity bilang preparasyon para sa nagasaka nga numero sang local cases sang COVID-19 sa probinsya kun sa diin ang pasyente ang nagakinahanglan sang pagtatap sa ospital.
Nahibaluan nga ginadala sa nasambit nga balay-bululngan ang mga severe cases nga mga Covid-19 patients samtang ang mga mild naman ang ginadala sa EB Magalona Healing Center.
Nagtalana ang probinsya sang COVID-19 hospital agud malikawan ang contamination sang mga hospitals.
Samtang, natalana naman nga mag-operate ang molecular laboratory nga ginpatukod sa Valladolid District Hospital.
Madumduman nga nagpain sang P30 milyon ang probinsya sa pagpatukod sang ikaduha nga molecular laboratory.
