South wing sang Kapitolyo, liwat nga ginlockdown halin kahapon tubtub Setyembre 8 para sa disinfection

Liwat nga ginlockdown ang south wing sang Provincial Capitol kag temporaryo nga ginsiraduhan ang Office of the Vice Governor kag Sangguniang Panlalawigan legislative staff halin Setyembre 2 tubtob Setyembre 8 matapos ginaalegar positibo sa COVID-19 ang technical assistant sang isa ka board member sa probinsya.

Sa interview sang Bombo Radyo kay Renelo Lastierre, pinuno sang Security Office sa Capitol, ginkumpirmar sini nga temporaryo nga ginsiraduhan ang nasambit nga mga opisina halin kahapon sang udto tubtob Setyembre 8 agud makapatigayon sang disinfection kag decontamination.