Nagbalik na sa pagduty si Negros Occidental matapos maggwa ang resulta sang iya RT-PCR test nga negatibo sa coronavirus.
Madumduman nga nagpaswab test si Governor Eugenio Jose Lacson matapos nga nagpositibo sa COVID-19 ang isa ka job order casual nga nagatrabaho sa Office of the Governor.
Nag-isolate si Lacson kalakip na ang mga staff matapos mahibaluan nga nagpositibo ang JO kag ginpaidalom sila sa swab test sang Sabado kag nagwa ang resulta kagab-i.
Sa interview sang Bombo Radyo Bacolod kay Negros Occidental Provincial Governor Eugenio Jose “Bong” Lacson, nagapasalamat ini nga negatibo siya kag ang 32 ka iban nga naka-assign sa iya opisina.
Ginakasubo man sini nga may apat nga nagpositibo kag ang duha diri ang nakadirect contact sa Covid positive patient.
May yara man sang siyam nga ipaidalom sa repeat test.
Ginpahayag man sang gobernador nga skeletal force ang nagaduty sa karon.
