99 ang mga bag-o nga nagdugang sa kaso sang COVID-19 sa probinsya sang Negros Occidental kahapon samtang 58 naman ang nagdugang sa ciudad sang Bacolod.
Santo sa Department of Health Region 6 COVID-19 case bulletin no. 164, nakarecord ang Western Visayas sang 199 ka dugang nga mga kaso nga ginalakipan sang 99 sa Negros Occidental, 58 sa Bacolod City, 27 sa Iloilo City, 13 sa Iloilo Province samtang tig-isa naman ang sa Capiz kag Antique.
Sa 199 ka panibag-o nga kaso, 160 diri ang local cases, tig-isa ang locally stranded individual (LSI) kag returning overseas Filiinos (ROF) samtang for verification naman ang nabilin nga 37.
Sa karun, may yara na sang kabug-usan nga 6,153 ka mga kaso nga narecord sa Western Visayas nga may 3,029 ka mga aktibo nga kaso.
Samtang 3,034 naman ang mga nakarecover sa pagdugang sang 120 nga bag-o kag nagdangat naman sa 90 ang numero sang nagtaliwan sa pagdugang sang tatlo nga napatay.
Yara naman sa 70.91% ang asymptomatic sa kabug-usan nga kaso sang rehiyon.
Sa karun, ang kabug-usan nga kaso sa Bacolod ang nagdangat na sa 1,315 samtang ang kaso naman sa Negros Occidental ang nagdangat na sa 1,196.
