Magapadayon ang byahe sang mga ceres bus sang Vallacar Transit Inc. sa gwa sang Bacolod City apang indi makasulod sa Bacolod City.
Sa exclusive interview sang Bombo Radyo kay Jade Seballos, media relations officer sang Vallacar Transit Inc., ginkumpirmar sini nga magapadayon sa pagbyahe ang mga Ceres bus sa probinsya subong nga adlaw magluwas lang sa Bacolod City.
Suno kay Seballos, sa Kilometrahe 11 ukon sa boundary sang Bacolod City kag Bago City sila mastation para sa South nga bahin sang probinsya samtang sa atubangan sang Honda ukon Costa Brava naman mastation ang ila mga units sa Northern part.
Suno sa iya, bangud nga ang ciudad sang Bacolod lang man ang napaidalum sa MECQ, wala sang rason nga mag-untat sila sa pagbyahe bangud wala man sang problema sa iban nga routa.
Aminado man ini nga magnubo ang numero sang mga pasahero apang suno sa iya, wala sila sang may mahimo bangud para man ini sa kaayuhan sang tanan gani magacomply sila agud gilayon na nga matapos ang problema sa COVID-19.
Gindugang man ni Seballos nga nagaupod ang Vallacar Transit Inc. sa programa ni Mayor Evelio “Bing” Leonardia gani indi sila anay magbyahe sa ciudad apang padayon gihapon sa probinsya.
Nagpasalig man ini nga hugot sila nga nagapatuman sang health protocols kaangay sang pag-implement sang face shield, face mask kag social distancing.
