Magasugod na subong nga adlaw ang pagprovide sang service busses para sa mga frontliners kag essential workers sa ciudad sang Bacolod.
Suno sa kumpirmasyon ni Bacolod City Lone District Congressman Greg Gasataya, nagsapol na kag nagdiscuss sa local government unit (LGU) sang Bacolod sanday Regional Director Richard Osmeña sang Land Transportation Franchising and Regulatory Board (LTFRB) Region 6 kag Regional Director Eric Lenard Tabaldo sang Land Transportation Office (LTO) Region 6.
Nakasugtan sa meeting nga ginpangunahan sang Department of Transportation (DOTr) nga magaprovide sang bus agud nga magamit sang mga frontliners kag essential workers sa ciudad karun nga ginpauntat ang mga pampubliko nga trasnportasyon.
Samtang ang LGU naman ang bahala kun paano ang pagpatuman diri kaangay kun pila ka mga buss ang pagagamiton kag kun ano oras ang pagsugat.
Nagapasalamat naman si Gasataya sa LGU sang Bacolod kag kay Mayor Evelio Leonardia nga nag-upod sa sabat sang DOTr.
Ginalantaw naman nga subong nga adlaw magasugod na sang pagplastar ang mga ini.
Naintindihan man sini nga indi gulpyada nga maresolbar ang problema apang maayo nalang nga may yara na sang inugplastar nga programa.
