Ginatumod pa sang mga pulis ang mga responsable sa pagpatay sa isa ka balo nga babayi sa Sitio Tambulugan, Brgy. Orong, Kabankalan City, Negros Occidental kahapon kun sa diin ginsulod pa sang mga suspetsado ang bangkay sang biktima sa sako.
Sa interview Bombo Radyo Bacolod kay Police Lt. John Paul Tabujara, deputy chief sang Kabankalan City Police Station, nakabaton sila sang tawag mga alas 10:00 ang takna kahapon sang aga angot sa nasapwan nga bangkay.
Ginkilala ang biktima kay Margarita Empirado, 68 anyos, balo kag residente sang nasambit nga lugar.
Suno kay Tabujara, ang biktima ang may pilas sa liog, sa nawala kag naibabaw nga bahin sang dughan tuga sang pagbuno sang nasapwan sa sulod mismo sang ila balay.
Suno kay Tabujara, ang una nga nakasapo sa bangkay ang tupad balay sang biktima.
May ginasundan naman nga anom tubtub napulo ka mga persons of interests ang mga kapulisan bangud malapit lang ang lugar sang biktima sa lugar kun sa diin nagluntad man ang robbery incidents sa syudad sang Kabankalan sang damlag lang.
Nakita naman sang mga pulis nga nagainukay ang balay sang biktima.
May yara sang gamay nga sari-sari store si Empirado.
