155 ka mga recoveries sang COVID-19 ang narekord sang ciudad sang Bacolod kahapon.
Nakarekord ang ciudad sang 95 ka panibag-o nga mga kaso samtang 49 naman sa Negros Occidental.
Sa COVID-19 Case Bulletin No. 176 nga ginpagwa sang Department of Health Western Visayas, 240 ka panibag-o nga mga infections ang narekord sa rehiyon kun sa diin 231 diri ang local; duha ang nagikan sa returning overseas Filipinos; kag isa ang locally stranded individual.
Sa 240 ka mga kaso, 95 diri ang nagikan sa Bacolod; 51 sa Iloilo City; 49 sa Negros Occidental; 13 sa Iloilo province; 15 sa Capiz; 16 sa Aklan; kag isa sa Guimaras.
205 naman ka mga recoveries ang nagdugang rehiyon kun sa diin 155 ang nagikan sa Bacolod; 42 sa Iloilo province; anum sa Capiz; kag tag isa sa Antique kag Negros Occidental.
Napulo naman ka mga persona ang nagtaliwan sa balatian kun sa diin anum diri ang nagikan sa Bacolod kag apat sa Negros Occidental.
May yara na sang kabug-usan nga 9,044 ka mga kaso sang Western Visayas kun sa diin 3,570 ang aktibo; 5,326 ang nag-alayo; kag 148 ang nagkalamatay.
Sa karun, ang Bacolod City ang nakarekord na sang kabug-usan nga 3,102 ka mga kaso samtang 2,368 naman sa Negros Occidental.
