Kalabanan sa mga may madamo nga kaso sang COVID-19 sa ciudad sang Bacolod amo ang mga named Barangay.
Suno kay City Administrator Em Ang, pinuno sang Emergency Operation Center (EOC) sang ciudad, ang yara sa top 10 nga mga Barangay sa ciudad nga pinakamado sang cases amo ang mga urban ukon named Barangay.
Apang ginkumpirmar man sini nga sa sulod sang 14 ka adlaw maga-ayo na sa balatian ang mga nagpositibo ilabi na kun asymptomatic.
Paathag sini nga apisar madasig maglatun ang virus, nagakapatay man ini gilayon makaligad sang 14 ka adlaw.
Suno sa City Administrator, Ang 531 nga mga nagpositibo sa ginpatigayon nga mass testing ang ginkabig na nga recovered matapos ang 14 ka adlaw bangod indi na ini sarang nga makalatun.
Samtang 75 tubtob 76 porsyento naman sang mga kaso sa ciudad ang asymptomatic kag mild lamang.
Aminado naman si Ang nga nagsaka ang rate sang nagtaliwan sa ciudad apang ginapaathag sini nga mga may co-morbidities ang mga napatay nga ginalakipan sang mga nagapaidalum sa dialysis, mga diabetic kag highblood.
Ginapanugyan naman sini nga dapat nga mapa-improve sang tanan ang tagsa ka health system pinaagi sa pagtulog sang nagakaigo nga kalawigon, exercise, pagkaon sang may sustansya kag ang pag-inum sang vitamins.
Kadungan sina, ginpahayag man sini nga dapat magsunod sa nagakaigo nga health protocols.
