329 ka kabug-usan nga mga locally stranded individuals (LSI), authorized persons outside residence (APOR) kag overseas Filipino workers (OFW) ang nag-abot sa Bacolod City kag Negros Occidental sang kahapon kag sang Biyernes.
Sa interview sang Bombo Radyo kay Commander Jansen Benjamin, pinuno sang Coast Guard Station Negros Occidental, ginkumpirmar sini nga ginabanta 300 ka mga pasahero ang nag-abot sa probinsya kag ciudad sang Biyernes.
Kahapon, 29 naman ka mga Negrosanon kag Bacolodnon ang nakapauli sakay sa Saint Therese nga barko.
Kalabanan diri ang nastranded sa Metro Manila.
Suno kay Benjamin, ini ang bangud sa programa sang gobyerno nga Hatid Tulong Program.
Gindugang man sini nga may yara pa sang palaabuton nga mga LSI kag nakatalana ang mga ini nga mag-abot sa Lunes, Setyembre 21.
