186 ka bag-o nga kaso sang coronavirus ang narekord sa Bacolod City kahapon samtang 74 naman sa Negros Occidental.
Sa COVID-19 Case Bulletin No. 177 nga ginpagwa sang Department of Health Western Visayas kagab-i, 323 ka dugang nga mga kaso ang narekord sa rehiyon kun sa diin 186 diri ang nagikan sa Bacolod; 74 sa Negros Occidental; 24 sa Capiz; 21 sa Iloilo City; kag 18 sa Iloilo province.
97 naman ka mga persona ang nakarecover sa balatian kun sa diin 62 ang nagikan sa Bacolod; 19 sa Negros Occidental; 14 sa Iloilo province; kag duha sa Capiz.
Apat man ka mga fatalities ang narekord kahapon kun sa diin tatlo ang nagikan sa Bacolod kag isa sa probinsya sang Iloilo.
Sa kabug-usan may yara na sa 9,367 ka mga kaso sang COVID-19 sa Western Visayas kun sa diin 3,792 ang aktibo; 5,423 ang nag-alayo kag 152 ang nagtaliwan.
Sa karun, ang Bacolod City ang nakarekord na sang kabug-usan nga 3,288 ka mga kaso samtang 2,442 naman sa Negros Occidental.
