Pakig-angutan ni Bacolod City Lone District Congressman Greg Gasataya ang medical center chief sang Corazon Locsin Montelibano Memorial Regional Hospital (CLMMRH) agud mahibaluan ang rason sa likod sang indi pagpahanugot sa pagsulod sang mga watcher sang mga pasyente sa ospital magluwas sa precautionary measure agud mapunggan ang COVID-19.
Sa interview sang Bombo Radyo Bacolod kay Gasataya, nakaintindi ini sang sentimyento sang mga watchers nga ginsapupo ni Punong Barangay Madeline Diaz sang Barangay 18 bangud wala na ang mga ini ginpahanugutan nga makabalik nga makasulod agud magbantay sa ila pasyente.
Tinguhaan sini nga makuha ang bahin ni Dr. Julius Drilon agud mahibaluan ang matuod nga natabo sa pasyente nga nagtaliwan nga gin-admit sang Sabado sang gab-i.
Nagapati man ini nga kabahin sang adjustments sang ospital ang pagpatuman sang mga protocol.
Ginpahayag man sini nga mas maayo kun mahatag man ang CLMMRH sang update sa status sang ospital angot sa COVID-19.
