Nagpanguna ang probinsya sang Negros Occidental sa may pinakamadamo nga recoveries sa coronavirus disease kahapon bangud sa 143 ka mga nareport nga nag-ayo nagikan sa respiratory disease.
Sa COVID-19 Case Bulletin No. 181 nga ginpagwa sang Department of Health Western Visayas, 260 ka panibag-o nga mga kaso ang narekord sa rehiyon kun sa diin 95 diri ang nagikan sa Bacolod; 62 sa Negros Occidental; 73 sa Iloilo City; 19 sa probinsya sang Iloilo; pito sa Capiz; duha sa Guimaras kag tag isa sa Aklan kag Antique.
234 naman ka mga recoveries ang nareport kun sa diin 143 ang nagikan sa Negros Occidental; 86 sa Bacolod City; kag lima sa probinsya sang Iloilo.
Nadugangan man sang 23 ka mga fatalities ang rehiyon kun sa diin 10 ang nagikan sa Iloilo; walo sa Iloilo City; tatlo sa Bacolod City; kag tag isa sa Aklan kag Antique.
Sa karun may yara na sang kabug-usan nga 10,234 ka mga kaso sa Western Visayas kun sa diin 3,699 ang aktibo; 6,327 ang nag-alayo; kag 208 ang nagkalamatay.
Ang Bacolod City ang may yara na sang 3,513 ka mga infections samtang 2,645 naman ang kabug-usan nga kaso sa Negros Occidental.
