Ginalauman na sang pinuno sang Committee on Returning Residence sang Bacolod City ang pagdinaguso sang mga returning residence sa tion nga batakon na ang Modified Enhanced Community Quarantine (MECQ) sa syudad sa Oktubre 1, 2020.
Sa interview sang Bombo Radyo kay Councilor Cindy Rojas, ginpahayag sini nga madamo ang nagacoordinate sa opisina sini nga mga returning residence nga magahalin sa nagkalain lain nga bahin sang pungsod.
Suno diri gin-isyuhan naman ang mga ini sang travel authority kag letter of coordination sang LGU sang Bacolod City nga magamit humalin sa Oktubre 1, 2020.
Ginkompirmar man ni Rojas nga wala sang may nakapauli nga mga residente sang Bacolod samtang napaidalum sa MECQ ang ciudad kag gincontact man sang Office of the Civil Defense ang mga airlines kag mga barko nga indi magpasakay sang mga pasahero nga magapauli sa Bacolod.
