Ginkompirmar sang tagpamaba sang 3rd Infantry Division sang Philippine Army nga may yara sang nagluntad nga engkwentro sa tunga sang tropa sang 94th Infantry Battalion kag kapin lima ka mga miyembro sang CPP-NPA sa Sitio Tigbao, Barangay Carabalan, Himamaylan City, Negros Occidental sang Martes.
Sa interview sang Bombo Radyo Bacolod kay Army Major Cenon Pancito III, ang engkwentro ang nagluntad ginabanta alas 12:00 sang udto samtang ang tropa ang nagapatigayon sang security patrol matapos nakabaton sila sang report nagikan sa mga pumuluyo angot sa presensya sang communist-terrorists nga nagapatigayon sang recruitment activities sa lugar.
Nagdugay sang kapin lima ka minutos ang pagbayluhay sang lupok antes pa man nagwithdraw ang mga miyembro sang NPA kag nagpalagyo sa magkatuhay nga direction.
Suno kay Cenon, wala man sang nasamaran sa tropa sang gobyerno.
Narecover sa encounter site ang war materials nga ginalakipan sang isa ka caliber .45; anom ka live ammunitions sang caliber .45; isa ka pares sang butas kag kalo.
