Lima ka libo ka mga test kits ang nabaton sang Teresita Jalandoni Provincial Hospital Molecular Laboratory kahapon.
Suno kay Negros Occidental Provincial Administrator Atty. Rayfrando Diaz, nagikan sa office of the presidential adviser sa Visayas ang nabatun nga test kits bilang bulig agud nga makatest liwat sang mga samples ang Bacolod sa ospital.
Nagapabilin naman nga bastante ang mga test kit sa probinsaya bangod sa bulig ni Congressman Albie Benitez kun sa diin nangayo sang 18,000 nga mga test kit sa Department of Health nga natalana para sa 3rd district kag iban pa nga mga distrito.
Sa karun, ang kapasidad sang matest sang molecular lab ang yara na sa 1,300 sa kada adlaw, nga makabig pinakadaku nga kapasidad sa probinsya.
Masobra 65,000 naman ang test nga nahemu sa probinsya gamit ang tatlo ka naga-operar nga RT-PCR machine.
Nagapasalig naman si Diaz nga maayo ang kondisyon sang mga makina.
Ginadayaw man sini ang mga medtech nga wala nagakabog-down apisara nga wala pahuway sa trabaho.
Pasalig man sini nga wala nagatulog ang laboratoryo sa pagtest kag may turn-around time nga 24 tubtob 28 oras kag luyag pa sang mga ini nga malab-ot bilang minimum turn-around time nga 48 oras.
Ginakalipay naman sini nga makita nga mas nagsagad na ang mga empleyado kag gina-estoryahan pa kun paano nga mas mapa-improve kasubong man sa mga encoder nga nagalagas sa mga resulta nga nagagwa sa molecular laboratory.
Paathag sini nga nakahanda na ang mga pormas para sa case distribution kag ginapasalig nga sa sulod sang 24 oras sarang nga nga mapagwa ang resulta.
