Dakop ang 21 anyos nga lalaki sa Purok Kawayan, Brgy. 28, Bacolod City sa buybust operation sang Bacolod City Police Station 5.
Sa interview sang Bombo Radyo Bacolod kay Police Lt. Melchor Tolentino, hepe sang Police Station 5, ang suspetsado ang ginkilala kay Jansen Cawaling kag residente sang nasambit nga lugar.
Suno kay Tolentino, indi drug surrenderer ang suspetsado apang mahimo nga nadala sang iya amay nga priso sa karun sa kaso nga maglapas sa RA 9165 ukon Comprehensive Dangerous Drugs Act of 2002.
Wala man matumod ang ginakuhaan sang suspetsado sang drug supply.
Nakuha sa paghinakop sini ang walo ka sachet sang suspected shabu kag ginabanta nagabalor sang P38,000.
Ginakabig naman nga newly identified individual ang suspetsado kag Street Level Pusher.
Nakahunong na sa Bacolod City Police Station 5 ang suspetsado kag natalana nga pasakaan sang kaso nga paglapas sa RA 9165 ukon Comprehensive Dangerous Drugs Act of 2002.
