Malapit nalang magdangat sa 30 mil ang ginpaidalom sa swab test sa ciudad sang Bacolod sumugod sang magluntad ang pandemic.
Panindugan ni Bacolod City Administrator Em Ang, wala sang makahambal nga wala sang pulos ang swab testing kaangay sang ginapatihan sang iban.
Paathag pa sini nga ang swab testing ang ginarekomendar sang mga eksperto nga nagtuon natuhoy sa virus.
Nahibaluan nga panugyan sang mga ini nga tuman ka importante ang testing, contact tracing kag isolation.
Samtang, agud malikawan naman ang impeksyon, ginapanugyan ang pagsuksok sang facemask, social distancing kag proper hygiene.
Ginakondenar naman sini ang mga nagabatikos sa swab testing kag sa kamatuoran angot sa virus nga daw kaangay nga mas maalam pa sa mga scientist.
Samtang, ginpahayag man sang City Administrator nga may natalana nga patigayunon nga antigen testing sa lain naman nga sektor sa ciudad sang Bacolod.
Kampante naman si Ang nga kontrolado na ang pagsaka sang mga kaso.
Ginapakita sang data nga 90 tubtob 95 porsyento sang mga nagapositibo karon ang kalabanan nagikan na sa mga na-contact trace.
