Tatlo ang patay matapos magsuhot ang ginasakyan nga Mustang sa truck nga may karga nga tubo sa Homesite Circumferential road, Brgy. Villamonte, Bacolod City, kaina sang kaagahon.
Ginkilala ang mga biktima nga sanday Stanley Flores, 40 anyos kag residente sang Lilcon Village, Barangay Villamonte, kag ang magtiyo nga sanday Wilton Porcel kag Mark John Porcel lunsay residente sang Barangay Banago.
Sa inisyal nga imbestigasyon, gikan sa isa ka restaurant ang mga biktima nga nahamtang sa Circumferential Road, Barangay Villamonte kag nag inom-inom.
Nahibaluan nga si Flores ang naga-drive sang sports car sa diin igadul-ong kuntani sini si Porcel kag ang hinablos sa Barangay Banago sang sila ang disgrasya nga nakabunggo kag nagsuhot sa truck nga may karga sang tubo sa Homesite Circumferential Road sa Barangay Villamonte kaina sang aga.
Bangud sa mabaskog nga impact, dead-on-the-spot ang tatlo ka mga biktima samtang ang driver sang truck nga ginkilala kay Michael Mejica, 42 anyos kag residente sang Sitio Tabugon, Kabankalan City nga yara karun sa kustodiya sang Police Station 4
Lunsay padulong sa nanorte nga bahin sang syudad ang trucking kag ang sports car.
