Ginpasalamatan sang pamilya ni anay Negros Occidental Governor Alfredo G. Marañon, Jr. ang pagkilala sang Senate of the Philippines sa kontribusyon sini bilang public servant sa masobra lima ka dekada.
Sa statement sang Pamilya Marañon kahapon, ang pagpasar sang Senate Bill No. 544 nga authored ni Majority Floor Leader Juan Miguel Zubiri sang Bukidnon kag co-authored sang tanan nga mga senador nga ginpresent sa virtual session subong nga semana ang nangin comfort para sa ila, ilabi na sa ila iloy sa tion sang ila nga pagpangasubo.
Ginkilala sang Senado ang hinimuan ni Freddie Marañon sa protection sang 32,000-hectare Sagay Marine Reef kag ang Visayan Sea, kag ang iban pa environmental causes kasubong man ang mga advocacy sini sa organic farming, sustainable agri-aqua development, coal-free Negros, livelihood opportunities para sa mga pigado kag ang effort sini sa paghugpong sa mga Negrense.
Sa statement nga ginpagwa ni Sagay Mayor Alfredo Maranon, III, nagpalab-ot ini sang pagpasalamat sa Senado sa pagkilala sa amay sini.
Nahibaluan nga gin-ugyunan sang mga senador ang pag-adopt sang Senate Bill No. 544 bilang pagkilala kay anay Governor Alfredo G. Marañon Jr.
